A nosa granxa – Granxa Curiscada

A nosa
Granxa

Onde estamos

No ídilico lugar da Curiscada, un lugar con encanto da parroquia de Burres (Concello de Arzúa) onde albergamos a nosa granxa ecolóxica que rolda as 34 ha de superficie agrícola.

A 34 km de Santiago de Compostela
385 m de altitude
Temos un clima temperado que nos permite disfrutar de temperaturas que varían de xeito regular entre os 7ºC e os 27ºC durante todo o ano.

A sala de muxido

A súa montaxe produciuse no ano 2001 empregando unha tecnoloxía punteira. Trátase dunhas pulseiras de actividade que levan as vaquiñas para estar a última e que rexistran datos referentes a súa actividade (número de pasos que dá o animal) e a distancia percorrida durante o día. Grazas a iso podo controlar mellor os seus ciclos reprodutivos así como posibles problemas de saúde.

Por esta sala, composta por 12 puntos de muxido e cuxa estrutura é a de espiña de pescado, pasan orgullosamente as miñas vacas dúas veces ao día para deixar un leite de primeira.

Establos libres

O benestar dos meus animais é unha das miñas máximas preocupacións. Por iso o pouco tempo que pasan no establo lles ofrezo unhas instalacións funcionais e prácticas grazas a libre estabulación.

Ademais contan cun sistema de cornadizas que lles permite acceder ao alimento (millo, herba seca ou silo) antes de realizar o seu paso pola sala de muxido e tamén dispoñen de cubículos nos que descansar nas noites máis duras do inverno.

Almacen de comida

Para garantir a alimentación das vacas necesito aproveitar os momentos de aumento vexetativo para encher a despensa de forraxes.

Dende sempre cultivo millo e herba verde para o ensilado e tamén herba seca que recollo mediante o método do enrolado. E é, con este menú ecolóxico exento de herbicidas, pesticidas e fertilizantes químicos co cal consigo acadar uns valores nutritivos óptimos que manteñen ao meu gando san e en forma.

Bebedeiros para as vacas

A situación privilexiada dos pastos permítelle ás vacas beber, en ocasións, en ribeiras fluviais asegurando a inxesta dunha auga fresca e potable. Así mesmo, tamén apoio con bebedeiros artificiais para que incluso nas épocas máis secas, beban todo o que precisan.